લોકોને મફતમાં ઘર બનાવી આપનાર ખજુરભાઈના ઘરની જુઓ ખાસ તસ્વીરો

ગુજરાતનાં સોનુ સુદ તરીકે ઓળખાતા નીતિન જાની દરેક સમયે રાત દિવસ જોયા વગર જરૂરિયાતમંદ લોકોની મદદ કરી રહ્યા છે. સૌરાષ્ટ્રના ગામોમાં ‘તૌકતે’ વાવાઝોડા બાદ તેમણે ઘણા લોકોને મકાન બનાવી આપ્યા હતા. વળી તે સિવાય તેઓ જરૂરિયાતમંદ ખેડુતોને પણ મદદ કરી રહ્યા છે, જેમનો પાક ધોવાઈ ગયેલો હોય. વળી લોકો માટે પીવાના પાણીની વ્યવસ્થા અને અનાજની વ્યવસ્થા પણ કરી આપે છે.

હાલના સમયમાં સોશિયલ મીડિયા પર નિતીન જાની એટલે કે ખજુરભાઈ છવાયેલા છે. તેઓ પોતાના વીડિયોને લીધે નહીં, પરંતુ પોતાના સમાજ સેવા ને લીધે ચર્ચામાં છે. છેલ્લા એક વર્ષથી પણ વધારે સમયથી તેઓ જરૂરિયાતમંદ લોકોની સેવા કરવા માટે દિવસ રાત મહેનત કરી રહ્યા છે. મળતી માહિતી અનુસાર તેઓ પોતાના ખિસ્સામાંથી એક કરોડ રૂપિયાથી પણ વધારે ની રકમ જરૂરિયાતમંદ લોકો પાછળ ખર્ચી ચુક્યા છે. જેના લીધે લોકો તેને ગુજરાતના ‘સોનુ સુદ’ તરીકે પણ ઓળખે છે.

હાલના સમયમાં દરેક જગ્યાએ અને સોશિયલ મીડિયામાં ખજુરભાઈની ચર્ચાઓ ચાલી રહી છે. ગુજરાતમાં તેમણે દાન માટે પૈસાનો ધોધ વાવેલો છે અને અનેક લોકોને ઘર બનાવી આપ્યા છે. જે લોકોના કાચા મકાન હતા તેમને પાકા મકાન બનાવીને આપ્યા છે. આવા સમયમાં લોકોના મનમાં એવો વિચાર જરૂરથી ઉભો થાય છે કે ગરીબોને ઘર બનાવી આપનાર ખજુરભાઈનું ઘર કેવું હશે અને તેઓ કેવા ઘરમાં રહેતા હશે.

ખજુરભાઈ લોકોની સેવા કરવા માટે નિસ્વાર્થ ભાવથી કામ કરી રહ્યા છે અને આ ઉમદા કામગીરી માટે લોકો તેમનો આભાર પણ માને છે. વળી આજે અમે તમને ખજુરભાઈના અંગત જીવન અને તેમના ઘરની તસ્વીરો બતાવીશું. ખજુરભાઈ નું ઘર દેખાવમાં ખુબ જ વૈભવશાળી છે અને આ ઘરનું ઇન્ટિરિયર પણ ખુબ જ ખાસ રીતે બનાવવામાં આવેલ છે. તેમના ઘરમાં કષ્ટભંજન દેવ હનુમાનજીની મુર્તિ પણ રાખવામાં આવેલ છે. વળી તેમના ઘરની દિવાલ ઉપર યુટ્યુબ ની સિલ્વર અને ગોલ્ડન બટનની ફ્રેમ પણ જોવા મળી આવે છે.