શું ચલણી નોટો પર કંઈપણ લખવાથી તે નોટ ના ચાલે? જાણો શું છે હકીકત અને નિયમ?
RBI Clean Note Policy : બેંક નોટ પર કંઈપણ લખવાથી તે અમાન્ય બની જતી નથી. તે કાયદાકીય રીતે માન્ય છે. જો કે, ભારતીય રિઝર્વ બેંક (RBI) લોકોને ચલણી નોટો પર કંઈપણ ન લખવા વિનંતી કરે છે કારણ કે તે તેને બગાડે છે અને તેમની શેલ્ફ લાઇફ ઘટાડે છે. તેથી જો તમને રૂ. 2000, રૂ. 500, રૂ. 200, રૂ. 100, રૂ. 50 અથવા રૂ. 20 ની નોટો પર કંઇક લખેલું જોવા મળે, તો તમે કોઇપણ ડર વિના તેને કાયદેસર માની શકો છો.
સરકારના અધિકૃત ફેક્ટ ચેકર PIB ફેક્ટ ચેકે સોશિયલ મીડિયા પર ફરતા કરવામાં આવેલા ખોટા દાવાનો જવાબ આપ્યો છે. આ ફેક મેસેજમાં દાવો કરવામાં આવ્યો હતો કે, RBIની નવી ગાઈડલાઈન અનુસાર નવી નોટો પર કંઈપણ લખવાથી તે અમાન્ય બની જાય છે.
જાણો શું કહે છે ભારતીય રિઝર્વ બેંક
ભારતીય રિઝર્વ બેંકની ક્લીન નોટ પોલિસી હેઠળ, યુઝર્સને વિનંતી કરવામાં આવે છે કે, તેઓ ચલણી નોટો પર કંઈપણ ન લખે કારણ કે તે તેની લાઈફને ઘટાડે છે. “ક્લીન નોટ પોલિસીના ભાગ રૂપે, લોકોને ચલણી નોટો પર ન લખવા વિનંતી કરવામાં આવે છે કારણ કે તે નોટોને બગાડે છે અને તેમનું જીવન ઘટાડે છે,” પીઆઈબીએ જણાવ્યું હતું. નોટ વિશે મહત્વપૂર્ણ બાબતો જાણો
બેંક કાઉન્ટર પર નોટ બદલી શકાશે
ગંદી અને ફાટેલી ચલણી નોટો બેંકોના કાઉન્ટર પર સરળતાથી બદલી શકાય છે. તેવી જ રીતે નાના મૂલ્યના સિક્કા અને નોટો પણ બેંકોમાં મુક્તપણે બદલી શકાય છે. બદલામાં, તમે નવા સિક્કા અથવા નોટો મેળવી શકો છો.
