પાટણ: સમી-રાધનપુર હાઈવે પર બે કાર વચ્ચે ગમખ્વાર અકસ્માત સર્જાતા મહિલા કોન્સ્ટેબલ સહિત ત્રણનાં મોત
પાટણના સમી-રાધનપુર હાઈવે પર બે કાર વચ્ચે ગમખ્વાર અકસ્માત સર્જાતા એક મહિલા પોલીસકર્મી સહિત ત્રણ લોકોના મોત નિપજ્યા હતા. બંને કાર વચ્ચે ટક્કર એટલી જોરદાર હતી કે કારના આગળના ભાગનો કચ્ચરઘાણ નીકળી ગયો હતો. મહિલા પોલીસ કર્મચારી સમી પોલીસ સ્ટેશનમાં ફરજ બજાવતા હોવાનું જાણવા મળ્યું છે. સીએમના કાર્યક્રમના બંદોબસ્તમાંથી પરત ફરતી વખતે આ અકસ્માત નડ્યો હતો. આ મામલે પોલીસ દ્વારા વધુ તપાસ હાથ ધરવામાં આવી છે.
સમી હાઈવે પર બે કારનો કચ્ચરઘાણ નીકળી ગયો
મળતી માહિતી મુજબ સાંથલી ગામના પોલીસકર્મી અને તેમના પતિ તથા અન્ય રુખીબેન દેવાભાઈ દેસાઈ પોલીસકર્મી પાટણ ખાતે મુખ્યમંત્રી આવેલ હોય ત્યાં બંદોબસ્ત પતાવી પરત ઘરે ફરી રહ્યા હતા. ત્યારે સમી તાલુકાના વરણા ગામ નજીક આવેલ ખોડિયાર હોટલ પાસે પહોંચતા રાધનપુરના ગોકલપુરા ગામના લોકો માતાજીની પલ્લી ભરી પરત ગોઝારીયા ખાતે જઈ રહ્યા હતા તે દરમિયાન અકસ્માત સર્જાયો હતો. જેમાં સ્વીફ્ટ કાર અને ઈકો કાર સામ સામે અથડાઈ હતી ત્યારે બંને કારના આગળના ભાગનો કચ્ચરઘાણ નીકળી ગયો હતો.
મહિલા પોલીસકર્મી અને તેમના પતિ સહિત ત્રણનાં મોત
ગમખ્વાર અકસ્માતમાં સ્વીફ્ટ કારમાં સવાર રેખાબેન નારસંગભાઈ દેસાઈ અને તેમના પતિ વિષ્ણુ ભાઈ જામભાઈ દેસાઈનું કરુણ મોત નીપજ્યું હતું અને અન્ય પોલીસકર્મી રુખીબેન દેવાભાઈ દેસાઈને ગંભીર ઇર્જા થતા તેમને અમદાવાદ ખાતે રીફર કરવામાં આવ્યા હતા.જ્યારે ઈકો કારમાં સવાર 2 માસની બાળકી કાવ્યાબેન સુરેશભાઈ ઠાકોરને ગંભીર ઇજા થતા બાળકીનું કરુણ મોત નીપજ્યું હતું, ઈકો માં સવાર અન્ય 8 લોકો ઇજાગ્રસ્ત થતા તેમને ધારપુર ખાતે સારવાર અર્થે લઈ જવામાં આવ્યા હતા. અકસ્માતની જાણ સમી પોલીસને થતા તાત્કાલિક ઘટના સ્થળે પહોંચી મૃતક લોકોને સમી રેફરલ ખાતે પીએમ અર્થે લઈ જવામાં આવ્યા હતા પોલીસ અકસ્માતથી થયેલ રોડ પરનો ટ્રાફિક હટાવી રસ્તો ખુલ્લો કર્યો હતો.
પાટણના અકસ્માતમાં ઘાયલ થયેલા લોકોની યાદી
કાલીબેન ઠાકોર
વરસંગજી ઠાકોર
રૂખી બેન દેસાઈ
દિલીપ ભાઈ ઠાકોર
ધ્રુવલ ઠાકોર
જયેશ સનાભાઈ ઠાકોર
સાવન દિલીપ કુમાર
લક્ષ્મીબેન સુરેશભાઈ ઠાકોર
- રાધનપુર-બાલાસર એસટી બસ 15 દિવસથી બંધ થતાં મુસાફરોને ભારે હાલાકી…
- લોકાર્પણથી લઈને અત્યાર સુધીમાં ૧૧ લાખ જેટલા મુલાકાતીઓએ સાયન્સ સેન્ટર પાટણની મુલાકાત લીધી
- હારિજના અમૃતપુરા વિસ્તારમાં 4 વર્ષિય બાળક ડેન્ગ્યુ ના ભરડામાં સપડાયો – ગંદકીને લઈને રહીશો અવારનવાર બીમાર થતાં હોવાની રાવ
- ૧૬૦થી વધુ ખરીદ કેન્દ્રો ખાતેથી તા. ૧૧ નવેમ્બરના રોજ ટેકાના ભાવે મગફળીની ખરીદી શરૂ થશે
- પ્રજાપતિ સમાજના ઇષ્ટ દેવ ભગવાન શ્રી પદ્મનાભજીના સપ્તરાત્રી મેળા પૂર્વે માટીના ક્યારાઓની મરામત કામગીરી હાથ ધરાઈ
