પાટણ જિલ્લાના સમી હાઈવે માર્ગ પર ટ્રેલર અને બોલેરો પીકઅપ વચ્ચે ગંભીર અકસ્માત સર્જાતા એક યુવાન નું મોત
પાટણ જિલ્લાના રાધનપુર સમી વારાહીના હાઇવે માર્ગ પર અવારનવાર અકસ્માતોની ઘટના બનતી હોય છે જેમાં લોકોના જીવ જવાના બનાવો પણ સામે આવતા હોય છે. ત્યારે આવો જ વધુ એક માર્ગ અકસ્માતનો બનાવ સમી હાઇવે માર્ગ પર ટ્રેલર અને બોલેરો પીકઅપ વચ્ચે સર્જાતા રાધનપુરના ઓધવનગરના એક યુવાનનું મોત નીપજ્યું હતું.
આ અકસ્માત અંગે સૂત્રો દ્વારા મળતી માહિતી મુજબ રાધનપુરના ઓધવનગરમાં રહેતા દશરથજી ઠાકોર પોતાની ખેત પેદાશોનું વેચાણ કરવા માટે બોલેરો પીકઅપમાં માલ ભરીને ઊંઝા માર્કેટયાર્ડમાં ગયા હતા. જ્યાં તેઓએ પોતાના ખેતપેદાશ માલનું વેચાણ કરી પરત ફરી રહ્યા હતા. ત્યારે સમી હાઈવે માર્ગ પરથી આવી રહેલા ટ્રેલર સાથે બોલેરો પીકઅપ અથડાતા કચ્ચરઘાણ વળી જવા પામ્યો હતો અને પીકઅપમાં બેઠેલા દશરથજી ઠાકોરનું ગંભીર ઇજાઓના કારણે ઘટના સ્થળે જ મોત નીપજ્યું હતું.
બનાવવાની જાણ પોલીસને થતા ઘટના સ્થળે પહોંચી લાશનું પંચનામું કરી પીએમ અર્થે સમી આરોગ્ય કેન્દ્રમાં મોકલી આપી આગળની તજવીજ હાથ ધરી હોવાનું પોલીસ સૂત્રોએ જણાવ્યું હતું.
- રાધનપુર-બાલાસર એસટી બસ 15 દિવસથી બંધ થતાં મુસાફરોને ભારે હાલાકી…
- લોકાર્પણથી લઈને અત્યાર સુધીમાં ૧૧ લાખ જેટલા મુલાકાતીઓએ સાયન્સ સેન્ટર પાટણની મુલાકાત લીધી
- હારિજના અમૃતપુરા વિસ્તારમાં 4 વર્ષિય બાળક ડેન્ગ્યુ ના ભરડામાં સપડાયો – ગંદકીને લઈને રહીશો અવારનવાર બીમાર થતાં હોવાની રાવ
- ૧૬૦થી વધુ ખરીદ કેન્દ્રો ખાતેથી તા. ૧૧ નવેમ્બરના રોજ ટેકાના ભાવે મગફળીની ખરીદી શરૂ થશે
- પ્રજાપતિ સમાજના ઇષ્ટ દેવ ભગવાન શ્રી પદ્મનાભજીના સપ્તરાત્રી મેળા પૂર્વે માટીના ક્યારાઓની મરામત કામગીરી હાથ ધરાઈ
