પાટણ: ચાણસ્માના મીઠીઘારીયાલમાં એક વ્યક્તિએ ગાયને ટ્રેક્ટર સાથે બાંધીને ઢસડી
પાટણ જિલ્લાના ચાણસ્મા(Chanasma) તાલુકાના મીઠીઘારીયાલ ગામે ગામના જ એક વ્યક્તિએ ગાયને ટ્રેક્ટર સાથે બાંધીને ઢસડીને આવતો ગામનો એક વ્યક્તિ જોઈ જતા ગામલોકો અને પોલીસને જાણ કરી હતી. આ ઘટના પ્રકાશમાં આવતા જીવદયા પ્રેમીઓમાં આક્રોશ વ્યાપી જવા પામ્યો છે.
ત્યારે આ ઘટનાને નજરે જોનાર વ્યક્તિએ જણાવ્યું કે ગામના પ્રવેશ દરવાજા પાસેથી પસાર થતાં રોડની બાજુમાં ટ્રેક્ટર સાથે ગાયને બાંધીને એક વ્યક્તિ રોડની સાઈડમાં આવી રહ્યો હતો. પ્રથમ તો મને એવું લાગ્યું કે કદાચ ગાયનું મરણ થયું હશે અને નાખવા આવી રહ્યો છે પરંતુ ગાય લોહી લુહાણ હાલતમાં અને હલનચલન કરતી હાલતમાં જોવા મળતા જીવતી હોવાનું જાણવા મળતા ગામ લોકોને જાણ કરી હતી અને પછી ચાણસ્મા પોલીસ મથકે જાણ કરાઈ હતી.
તો આ ઘટના અંગેની જાણ થતા પીએસઆઇ ડામોરે ઘટના સ્થળેથી પશુ ડોક્ટરને બોલાવી ઇજાગ્રસ્ત ગાયની સારવાર શરૂ કરાઈ હતી અને નજરે જોનાર વ્યક્તિના કહેવા મુજબ ગાયને ઢસડનાર વ્યક્તિને ચાણસ્મા પોલીસ મથકે ડીટેઇન કરી વધુ તપાસ હાથ ધરી હતી. પરંતુ કોઈ વ્યક્તિ ગાયનું માલિક બનતું ન હોવાના કારણે અને કોઈ ફરિયાદી બનતું ન હોવાના કારણે હાલમાં પોલીસ મથકે જાણવા જોગ નોંધ કરી વધુ કાર્યવાહી હાથ ધરાઈ હોવાનું પીઆઇ વસાવાએ જણાવ્યું હતું.
- રાધનપુર-બાલાસર એસટી બસ 15 દિવસથી બંધ થતાં મુસાફરોને ભારે હાલાકી…
- લોકાર્પણથી લઈને અત્યાર સુધીમાં ૧૧ લાખ જેટલા મુલાકાતીઓએ સાયન્સ સેન્ટર પાટણની મુલાકાત લીધી
- હારિજના અમૃતપુરા વિસ્તારમાં 4 વર્ષિય બાળક ડેન્ગ્યુ ના ભરડામાં સપડાયો – ગંદકીને લઈને રહીશો અવારનવાર બીમાર થતાં હોવાની રાવ
- ૧૬૦થી વધુ ખરીદ કેન્દ્રો ખાતેથી તા. ૧૧ નવેમ્બરના રોજ ટેકાના ભાવે મગફળીની ખરીદી શરૂ થશે
- પ્રજાપતિ સમાજના ઇષ્ટ દેવ ભગવાન શ્રી પદ્મનાભજીના સપ્તરાત્રી મેળા પૂર્વે માટીના ક્યારાઓની મરામત કામગીરી હાથ ધરાઈ
