પાટણ શહેરમાં શેર બજારમાં ડબ્બા ટ્રેડીંગ ચલાવતો એક શખ્સ ઝડપાયો
પાટણ શહેરમાં શેરની લે વેચ કરી ડબ્બા ટ્રેડીંગ ચલાવતો એક શખ્સને મંગળવારે પોલીસે ઝડપી પાડ્યો હતો. બે શખ્સ ફરાર થઇ ગયા હતા.આ અંગે પાટણ બી ડિવિઝન પોલીસ મથકે ત્રણ શખ્સો સામે ફરિયાદ નોંધાઇ હતી.
પાટણ શહેરમાં ગોલ્ડન ચોકડી પાસે જીવનધારા સોસાયટી નાકે આવેલ પટેલ ઓટો ગેસની ઓફિસમાં મંગળવારે બપોરે સામાન્ય ગ્રાહકોને વધુ નાણાકીય વળતર મળવાની લાલચ આપીને પૈસા મેળવી શેરની લે વેચ કરી ડબ્બા ટ્રેડીંગની પ્રવૃત્તિ અનધિકૃત કરતા હોવાની બાતમી આધારે પાટણ એલસીબી પોલીસ દ્વારા રેડ કરવામાં આવી હતી.આ રેડ દરમ્યાન ઓફિસમાંથી પ્રજાપતિ જીગરકુમાર હરેશભાઇ રહે.પાટણને એક મોબાઇલ કિ.રૂ.20000 સાથે ઝડપી પાડ્યો હતો તેની પૂછપરછ દરમ્યાન આ ધંધો કરવામાં તેની સાથે પટેલ વસંતભાઇ રહે.પાટણ અને મોદી મિલાપ રહે.અમદાવાદ સંકળાયેલા હોવાનું ખૂલવા પામ્યું હતું. તેના આધારે પાટણ એલસીબી પોલીસે પાટણ બી ડીવીઝન પોલીસ મથકે ત્રણ શખ્સો સામે ફરિયાદ નોંધાવી હતી.
તપાસ અધિકારી પીએસઆઇ આર.કે.પટેલે જણાવ્યુ હતું કે આરોપીની કોર્ટમાં રજૂ કરી ચાર દિવસના રિમાન્ડ માંગ કરી ત્યારે કોર્ટ બે દિવસના રિમાન્ડ મંજૂર કર્યા છે. આ શખ્સો તેઓના તમામ વ્યવહાર બેંક મારફતે નહીં અને આંગડિયા મારફતે કરી ઇન્કમટેક્સની ચોરી કરતા હતા.
- રાધનપુર-બાલાસર એસટી બસ 15 દિવસથી બંધ થતાં મુસાફરોને ભારે હાલાકી…
- લોકાર્પણથી લઈને અત્યાર સુધીમાં ૧૧ લાખ જેટલા મુલાકાતીઓએ સાયન્સ સેન્ટર પાટણની મુલાકાત લીધી
- હારિજના અમૃતપુરા વિસ્તારમાં 4 વર્ષિય બાળક ડેન્ગ્યુ ના ભરડામાં સપડાયો – ગંદકીને લઈને રહીશો અવારનવાર બીમાર થતાં હોવાની રાવ
- ૧૬૦થી વધુ ખરીદ કેન્દ્રો ખાતેથી તા. ૧૧ નવેમ્બરના રોજ ટેકાના ભાવે મગફળીની ખરીદી શરૂ થશે
- પ્રજાપતિ સમાજના ઇષ્ટ દેવ ભગવાન શ્રી પદ્મનાભજીના સપ્તરાત્રી મેળા પૂર્વે માટીના ક્યારાઓની મરામત કામગીરી હાથ ધરાઈ
