ચાણસ્મા નગરપાલિકા દ્વારા વિવિધ વિસ્તારોમાં સ્વચ્છતા અભિયાન હાથ ધરાયું

સ્વચ્છતા ઝુંબેશ અંતર્ગત ચાણસ્મા નગરપાલિકા દ્વારા પાલિકા હદ વિસ્તારમાં સફાઈ ઝુંબેશ હાથ ધરવામાં આવી છે. જે અંતર્ગત લોકોને જાગૃત કરવાની સાથે સ્વચ્છતાને સંસ્કાર અને સ્વભાવ બનાવવા માટે અપીલ કરી લોકોને આ અભિયાનમાં જોડાવા વિનંતી કરવામાં આવી રહી છે.

ચાણસ્મા નગર પાલિકાના સ્વચ્છતા અભિયાન અંતર્ગત શહેરના વિવિધ વિસ્તારોની સફાઈ હાથ ધરવામાં આવી હતી. જેમાં ચીફ ઓફિસરશ્રી કલ્પેશ પી ભટ્ટ, વહીવટદારશ્રી બી.વી. ચાવડાની સૂચના અન્વયે ચાણસ્મા નગરપાલિકાના સેનીટેશન શાખા દ્વારા સ્વચ્છતા રેલી, સ્વચ્છતા શપથ, GVP, CTU POINT ની સફાઇ, જાહેર રોડ રસ્તા, બજાર, હાઇવે, વાહનોની સાફ સફાઇ કરવામાં આવી હતી. તથા કન્યા શાળાના આચાર્યશ્રી સુરેશભાઈ દેસાઈ દ્વારા સ્વચ્છતાના ગરબા, રંગોળી સ્પર્ધા નું આયોજન કરી સ્વચ્છતાનો સંદેશ આપવામાં આવ્યો હતો.